மனக்கனவுகள் | வான் வெளி

Home » கவிதை » மனக்கனவுகள்

மனக்கனவுகள்

by Thirumalai somu at Saturday, October 13, 2012

செடியில்லை கொடியில்லை
செங்காத்து பூமியில் வேர் விட்டு
மொட்டு விடவும் இல்லை
ஆயினும் ஏனோ..

இமைக்கும் இடைவெளியிலும்
நொடிக்கொரு பொழுதுமென
பூத்து நிற்கிறதென் மனக்கனவுகள்

நிறைவேறும் என காத்திருந்த
நிமிடங்களில் கூட
நீரோட்ட்த்தில் புதையும்
காகித கப்பலாய்
காணாமல் போயிருக்கிறது..

கனப் பொழுதில் கரைந்தே போனாலும்
விடிகாலை வானில்
புன்னகைக்கும் புது சூரியனாய்...
மீண்டும் மீண்டும் எழுகிறது
என் மனக்கனவுகள்...

கதவுகள் அடைத்து துரத்தவோ...
கடிவாளம் போட்டு இழுக்கவோ
முடியாத என் மனக்கனவுகளுக்கு
காலம் ஒரு நாள் கைகொடுக்கும்

என் கனவுகளை
கொன்று தின்று கொக்கரித்தவர்களே..
நினைவில் கொள்ளுங்கள்..
காற்றும் கடவுளும் என்றும்
ஒரு திசையில் நின்றதில்லை..!

Related Posts

எனக்குள் நீ... எனக்குள் நீ...இமைக்கும் நொடிப்பொழுதில் நோயாக வந்தவள்..!கனக்கும் இதயத்தை காற்றாக செய்துபறக்கும் எண்ணங்களில் சிறகாக விரிந்தவள்..!எனக்குள் நீ..!மொழி அறியாத தேசத்தில்விழிகளில் வார்த்தைகளை வீசிமெளனக் க ... readmore
என் வரமும் நீ என் சாபமும் நீ என் வரமும் நீஎன் சாபமும் நீ என் வரமென்று வந்தவளேநான் நுகராத வாசனைகள் தந்தவளே… எத்தனை சந்தோஷம்எத்தனை கொண்டாட்டம்எனை சூழ்ந்தாலும்அத்தனையையும்உனக்கே சமர்ப்பிக்கிறேன். எத்தனை துயரம்எத்தனை துன்பம ... readmore
வரம் என் வாக்குரிமை...! என் தேசத்தின்... என் சாலைஎன் மின்சாரம்என் குடிநீர்என் உணவு என்ற.. எல்லா அடிப்படைதேவைகளிலும்இடையூறுகள்.. நேற்றுவரை சீராக சென்றசாலையில் திடீர் பள்ளம்பொறுத்துக் கொண்டேன் நேற்றுவரை தடையின்றி வந் ... readmore
இதயமெனும் பொற்கோயில் யாரோ வந்து போனதற்குஅடையாளமாய்அந்த ஈரமணலில்பதிந்திருந்தது...இரண்டு கால் தடங்கள் நடந்து சென்றவர்கள்விரும்பி பதித்ததில்லைஎன்றாலும் இந்த கால்தடங்களைஉள் வாங்கி கொண்டதுஈரமணலின் இயல்பு இப்படித்தான் ... readmore
மரணம் தின்ற நட்பு இறைவா நல்லோர் தீயோர் என்றில்லாமல் எல்லோருக்கும் வைத்தாய்.. மரணம் அந்த மரணம் எனக்கு ஒன்றும் புதிதில்லை எத்தனையோ முறை நான் மரணித்திருக்கிறேன்.. தோல்வியால் மூச்சிறைத்து துரோகத்தின் வலியில் நம்பி ... readmore

0 Comments:

Subscribe to: Post Comments (Atom)